De Amigoe behoudt zich het recht voor ingezonden brieven te weigeren, te corrigeren of anderzins redactioneel te bewerken en in te korten. Brieven, die maximaal 600 woorden mogen bevatten, moeten zijn voorzien van naam en woonplaats. Het adres en telefoonnummer worden niet gepubliceerd, maar zijn nodig ter verificatie. Gelieve brieven te sturen naar redactie@amigoe.com.

Home Ingezonden Ingezonden ‘Onder Elkaar’ (8)
‘Onder Elkaar’ (8) PDF Afdrukken E-mail
donderdag, 04 april 2013 07:44

KU HOPI asko mi a tuma nota di kontenido di e programa ‘Onder elkaar’ di e kompanía di televishon NTR di Hulanda. Mi tabata bisa mi yu ku no ta bal la pena pa reakshoná riba loke makambanan mes ta yama un ‘shit programa’ asina.

E loke ku a pone ku mi ta reakshoná awe tòg, ta e lokual ku hustamente Joost Pronk a bisa. Hustamente pasobra ku Joost Pronk un konvikto ku a ser arestá i kondená na Hulanda pa kontrabanda di paranan eksótiko, ta e último persona ku lo tin di aparesé den un programa ku ta humiliá entre otro yunan di Kòrsou di orígen Afrikano.

Joost Pronk a deklara ku nos mester ta kontentu i pidi Dios danki riba nos rudía ku nan antepasadonan makamba a trese nos antepasadonan aki for di Afrika den siglo 17. Den mes rosea e ta sigui bisa ku si esei no a sosodé aworaki nos lo ta kana ku yerba pa tapa nos krus na Afrika, ku wesu pasá den nos nanishi. Ku un deklarashon asina Joost Pronk no ta konsiente kuantu hende e ta ofendé. No e pueblo di orígen Afrikano di Kòrsou so pero tambe esnan di hinter Karibe, Sur Amérika i Estados Unidos inkluyendo presidente Barak Obama i otro presidentenan manera di Haïti, mandatarionan i klérikonan di origen Afrikano. Ku e deklarashon aki Joost Pronk i esnan ku tabata den su kompanía abiertamente ta duna muestra di ta sostene hinter e sistema di sklabitut ku a tuma lugá dor di makambanan manera Joost Pronk c.s.

Joost Pronk i esnan ku tabata den su kompanía durante e programa, den nan trans di supremasia rasial no a realisá ku e lokual Joost Pronk a deklará por bira notisia mundial i hasta negativo pa nos país. Pa e motibu aki mester sali un fuerte rechaso di parti nos mandatarionan i hinter komunidat di no solamente lokual Joost Pronk a deklará pero hinter e programa ku na mi opinion tin ningun balor agregá den nos komunidat ni pa medionan di komunikashon.

 

FELIX D. PINEDO

Curaçao