RÉSPÉT, BO ta manera pèrdí,

komo si fuera bo no ta eksistí.

Kortesia a traha lugá pa arogansia,

un saludo ta di mas i un despensa n’ tin mester.

Riba kaya, den kareda òf den rei,

bo tin ku pasa mi dilanti pasó bo tin purá.

Fia a haña otro dimenshon den estilo di hasi daño

i bira doño di mi kos.

Griteria ta na moda pa bo por logra konvensé.

Skùif pa mi drenta t’e melodia djawendia,

no ta importá di ki nivel ni edat bo ta.

Tin ku sera wowo i tapa orea pa vulgaridat.

Ku palabra insolente bo ke spanta tur presente.

Rèspèt,

no kobardiá.

Bo t’esun den tur balente,

na kabes di norma- i balornan.

Bo tabat’ei.

Lo bo t’ei semper

den tur siglo i siglonan.

ENGRACIA WILLIAMS

Curaçao